1. Аз есмь Господь Бог твой; да не будут тебе бози инии разве Мене.

2. Не сотвори себе кумира и всякого подобия, елика на небеси горе, и елика на земли низу, и елика в водах под землею; да не поклонишися им, да не послужиши им.

3. Не приемли имене Господа Бога твоего всуе.

4. Помни день субботний, еже святити его: шесть дней делай, и сотвориши в них вся дела твоя, в день же седьмый - суббота Господу Богу твоему.

5. Чти отца твоего и матерь твою, да благо ти будет, и да долголетен будеши на земли.

6. Не убий.

7. Не прелюбы сотвори.

8. Не укради.

9. Не послушествуй на друга твоего свидетельства ложна.

10. Не пожелай дому ближняго твоего, не пожелай жены искренняго твоего, ни села его, ни раба его, ни рабыни его, ни вола его, ни осла его, ни всякого скота его, ни всего, елика суть ближняго твоего.



Набрано по изданию: "Полный молитвослов для мирян по уставу Православной Церкви". - М.: Даниловский благовестник, 2010. - 528 с. Издан по благословению Святейшего Патриарха Московского и всея Руси Кирилла.